Co-a cànna fìssa in sciâ spiâgia a aspêtâ
in péscio ch'o no l'êa rioscîo a pigiâ.
Gh'ò dîto: «Cöse ti l'aspêti a fâ,
se quànd'o tîa pöi ti ti o fæ scapâ.»
O l'à dîto: «O me fa aragiâ
e se no pésco staséia no se va-a mangiâ.»

Schìtta péscio, ti vediæ che dòppo te pigiö.
Schìtta péscio, ti vediæ che dòppo te pigiö

E pöco dòppo o l'àia za pescòu,
ma prìmma de stacâlo o l'à 'n pö amiòu.
Ghe pàiva o ghe dixésse: «In fóndo a-o mâ
gh'ò 'n fìggio ch'o m'aspêta pe mangiâ.»
Coscì cianìn da-o làmmo o l'à stacòu
e lentaménte in mâ o l'à ricaciòu.

Schìtta péscio, gödite tùtta-a teu libertæ.
Schìtta péscio, gödite tùtta-a teu libertæ.