Caróggi di gàtti
che inte çèrte seiànn-e
no te lasciâvan quêtâ.

Caróggi
che inte scâe pò-u disnâ
o profùmmo de pésto o te fâva rescioâ.

Caróggi
de quànde pasàndo
sótta 'n barcón ti sentîvi cantâ.

Caróggi de ratèlle
caróggi de ciæbèlle
che ascôze into scûo
ti l'anâvi a çercâ.

Caróggi di contrabandê
dónde a qualónque ôa ti poéivi pasâ.
Caróggi do zenéize
che inte ògni recànto ti sentîvi parlâ.

Caróggi de bugàixe
caróggi di feræ
caróggi di bancæ
caróggi di fornæ.

Caróggi de quànde a l'òstàia
pe béivine un gòtto
in sunòu de chitâra
o caesâva o sentî.

Caróggi de vêi:
no ti sæ cómme mâi
no se peuan ciù atrovâ.