Ciànzi, câo Schéuggio Canpànn-a,
l'angonîa te l'àn sunâ.
E t'æ sfidòu l'îra pizànn-a
t'æ sfidòu l'îra do mâ!
E t'æ sfidòu l'îra pizànn-a
t'æ sfidòu e t’æ sfidòu l'îra do mâ!

Unna vòtta ti formâvi
a delìçia di pescoéi
e l'âia e o çê t'inbalsamâvi
cómme o létto di spozoéi.
e l'âia e o çê t'inbalsamâvi
cómme o létto cómme o létto di spozoéi.

E li gh'êa o Lìppa e o Crôxe
co-e seu bràghe redogiæ
cómme i vêi pescoéi da Fôxe
tùtto o giórno li asetæ.
cómme i vêi pescoéi da Fôxe
tùtto o giórno tùtto o giórno li asetæ.

E co-o pâmito e co-o çiméllo
e o bogeu da l'âtra màn
e a cantâ quàrche stronéllo
e a sentî sunâ Caignàn!
e a cantâ quarche stronéllo
e a sentî e a sentî sunâ Caignàn!