O fràvego-o gh'à 'n scàgno lùvego
ciù scûo de 'n fóndego inte 'n carogìn.
Da-o pòrtego o védde o tràfego
corî 'n sce l'àstrego fìn da-a matìn.

A pòrta bén serâ
chi vêgne pe acatâ
o sa o dêve sunâ.
O sta 'nto scàgno co-a mamà.
Fêua gh'é in gîo in mandilâ
ch'o ghe veu aröbâ
ma lê poîa o no ghe n'à.

O fràvego-o l'é 'n òmmo rùstego
ghe piâxe o bùdego e do bón vìn.
A doménega ghe vêgne a ràntega
l'ægoa a se spàntega sótt'a-o bronzìn.

E o pénsa inta çitæ
pe mi fìgge no ghe n'é
e mi n'ò sénpre coæ
ma ò dæto a ménte a mæ moæ
mìsso a-i löi pe-a mæ etæ
co-e màsche aleitugæ
ò tiòu 'n sce l'ænn-a e ræ.

L'é téuscego scugiâ in sciô lépego
chinâ inte l'éndego de l'asascìn.
Co-a pértega bacæ a ràfega
sôvia a pelàntega pe vegnî a-a fìn.

E cómme 'n foestê
ch'o va pe-o sò sentê
chi pìcca o l'é lê
e seu moæ a càzze d'in pê.
Lê o a crêuve co' 'n papê
pöi o sciòrte into quartê
pe dâse prexonê.

E o pénsa inta çitæ
pe mi fìgge no ghe n'é
e mi n'ò sénpre coæ
ma ò dæto a ménte a mæ moæ
mìsso a-i löi pe-a mæ etæ
co-e màsche aleitugæ
ò tiòu 'n sce l'ænn-a e ræ.

O fràvego-o gh'à 'n scàgno lùvego
ciù scûo de 'n fóndego inte 'n carogìn.