Stràsse botìgge ravàtti
scatoête de làtta de ràmmo de færo
rachéuggio perché...

Stràsse botìgge ravàtti
scatoête de làtta de ràmmo de færo
pe poéi tiâ a canpâ...

Mi gîo pe tùtte e stràdde de Zêna
a l’é a mæ çitæ
viâtri normâli no poéi apresâ
cöse se prêuva a êse cómme mi
a no avéi nìnte e into stésso ténpo
sentîse padroìn

padroìn de tùtte e cöse che viâtri
caciæ vîa coscì
quànde bén bén corî
dôve voéi arivâ
senti a pâxe che s’à drénto a-o cheu
into védde ’n tramónto in sciô mâ
no amugiæne palànche perché
a no se peu acatâ.

[mùxica]

Ànche pe mi che no çèrco nisciùn
gh’àn quarcösa da dî
te m’é vegnûo ’n magón
pasàndo pe-i giardìn
t’ò sentîo dî ’na màmma a-o figeu
«vêgni chi no ti véddi chi gh’é,
stànni aténto l’é l’òmmo do sàcco
o te pìggia con lê...
stànni aténto l’é l’òmmo do sàcco
o te pìggia con lê»

Stràsse botìgge ravàtti...
Stràsse botìgge ravàtti...
O strasê... O strasê...
O strasê...