Òh chitâra zenéize
séunna sôlo pe mi!
E seiànn-e de lùnn-a
sótt'a-o çê pìn de stélle
che stàn li a parpelâ
me ne vàddo pe-o mâ
e me métto a cantâ.
I pescoéi co-a lanpâra
són za tùtti in sciô meu.
Mi strinpéllo a chitâra
e dàggo sfêugo a-o mæ cheu.

Òh chitâra, mæ chitâra,
ti stæ arivàndo vèrso a Fôxe
ti me sénti tremâ a vôxe
no fa câxo séunna ancón.

Séunna invêce ancón ciù fòrte
lasciù 'n çìmma inta stansétta
gh'é o mæ amô co-a mæ vegétta
ch’a l'é tùtta a mæ pasción.

L'âtra vòtta teu bàrba
o s'é acòrto che gh'êa
me vegnûo da toscî
dôve aniêmo a finî
s'a contìnoa coscî.
Ò cangiòu o ritornèllo
ti me sénti cantâ
me pâ d'êse 'n fringoèllo
de 'na nêua niâ.

Òh chitâra, mæ chitâra,
ti stæ arivàndo vèrso a Fôxe
ti me sénti tremâ a vôxe
no fa câxo séunna ancón.

Séunna invêce ancón ciù fòrte
lasciù 'n çìmma inta stansétta
gh'é o mæ amô co-a mæ vegétta
ch’a l'é tùtta a mæ pasción.

Séunna fòrte ancón ciù fòrte...
lasciù 'n çìmma inta stansétta
gh'é o mæ amô co-a mæ vegétta
ch’a l'é tùtta a mæ pasción.