Bón bón bón a-o rónbo do canón

A mogê de Cécco Bèppe a l'é andæta into Bezàgno
e gh'é scugiòu in pê a l'é andæta co-o cû a bàgno
Bón bón bón a-o rónbo do canón

A mogê de Cécco Bèppe a l'andâva in biciclétta
se gh'é strepòu e braghétte se gh'é vìsto a farfalétta
Bón bón bón a-o rónbo do canón

A mogê de Cécco Bèppe a se mìssa a fâ a leitæa
invêce de vénde læte a vendéiva ægoa ciæa
Bón bón bón a-o rónbo do canón

A mogê de Cécco Bèppe a se ciamâva Elvîra
a s'é pisciâ 'nte bràghe e a l'à dîto ch'a l'êa bîra
Bón bón bón a-o rónbo do canón

[A mogê de Cécco Bèppe a fâva a bezagnìnn-a
a vendéiva àggio e cöi a regalâva a patatìnn-a
Bón bón bón a-o rónbo do canón

A mogê de Cécco Bèppe ch'a l'êa 'nta Crôxe Róssa
pe fâ goarî i maròtti a ghe dâva 'n pö de móssa!
Bón bón bón a-o rónbo do canón]

Émmo vìnto 'na batàglia l'émmo vìnta in sciâ giæa
i tedéschi co-a bandêa l'émmo mìssi a prionæ

Vegnî a quàttro a quàttro scibén che gh'éi o bàcco
Vegnî a éutto a éutto scibén che gh'éi o sccéuppo
Vegnî a dózze a dózze ve tiêmo péie bózze
Vegnî a sézze a sézze ve tiêmo de corézze

Bón bón bón a-o rónbo do canón