Bèllo t'ê Quàrto, bèllo o teu mâ
con piaxéi se metiêmo a cantâ.

E Quàrto a-o mâ co-a teu spiâgia ecelénte
da-o levànte, da-o ponénte
in scî schéuggi gh'êa pìn de génte
de bagnànti 'na gràn quantitæ
e co-i palmìssi e i seu góssi pe-o mâ
sótt'a-e prôe e cóbie a scialâ

Quàrto t'ê bèllo, bèllo o teu mâ
co-a teu lùnn-a a l'invîta a cantâ
isâ in sce 'n schéuggio gh'é 'na baràcca
dónde e cóbie se vàn a scialâ.
Bâxi e laménti e li 'n sciô mâ
quànde l'é l'ôa de dovéise lasciâ.
Quàrto t'ê bèllo tra i mónti e o mâ
con piaxéi se metiêmo a cantâ.

E gh'é 'n teràsso e 'na vìsta ecelénte
da-o levànte, da-o ponénte
gh'é chi zêuga a treisètte e a sgobétta
chi fa a brìscola e chi zêuga a-o sgobón
e intræ drento a pigiâne 'n gotìn
se demoêmo da-a séia ä matìn.

Quàrto t'ê bèllo, bèllo o teu mâ
co-a teu lùnn-a a l'invîta a cantâ
isâ in sce 'n schéuggio gh'é 'na baràcca
dónde e cóbie se vàn a scialâ.
Bâxi e laménti e li 'n sciô mâ
l'òstàia do Rósso a l'é fæta pe amiâ.
Quàrto t'ê bèllo tra i mónti e o mâ
con piaxéi se metiêmo a cantâ,

Finalino
con piaxéi se metiêmo a cantâ.