A-i ténpi antîghi - se sénte contâ -
quànde 'n zoenòtto o dovéiva spozâ
ghe dîvan tùtti, compréizo o conpâ,
che l'êa 'nportànte çercâ d'atrovâ

unna fìggia ch'a raxónn-a
pöco ciaciarónn-a
ch'a no t'abandónn-a
sénsa e âie da padrónn-a
tròppo fanfarónn-a
ò 'na paciugónn-a
ch'a no ségge 'na stragiónn-a
spôza 'na persónn-a
ch'a te s'afesiónn-a
se ti veu 'na stràdda bónn-a
spôza 'na popónn-a
da Fontànn-a Bónn-a.

A-i ténpi d'òua fàn cómme ghe pâ
s'a no l'é bèlla no a vêuan spozâ
lô no riflètan né stàn a pensâ
che l'é 'nportànte çercâ d’atrovâ

unna fìggia ch'a raxónn-a
pöco ciaciarónn-a
ch'a no t'abandónn-a
sénsa e âie da padrónn-a
tròppo fanfarónn-a
ò 'na paciugónn-a
ch'a no ségge 'na stragiónn-a
spôza 'na persónn-a
ch'a te s'afesiónn-a
se ti veu 'na stràdda bónn-a
spôza 'na popónn-a
da Fontànn-a Bónn-a.

Finalino
... e se pöi no ti n'atrêuvi
unn-a da Fontànn-a Bónn-a,
vànni, pàrti pe Savónn-a,
sciù pe Cadebónn-a,
la ti l'atroviæ!