Apenn-a ti sormónti Pòrtofìn
ti véddi tùtta Zêna li acociâ
a l'é 'na cónca d'öo tùtto zechìn
de gémme e de smeràldi o l'é tìnto o mâ

Ma quànde o navigànte o l'intravédde
che se profîla Zêna a l'orizónte
se gh'alàrga o cheu, tùtto tremànte
o dîxe: «Són a câza mæ, Segnô»

Górfo de Zêna ti luxénte a-o mâ
mi no me stànco mâi de stâte a-amiâ
O mónte de Fàsce ti l'æ pe capéllo
e tùtto d'intórno o l'é 'n vèrde mantéllo

Górfo de Zêna che t'abràssi o mâ
cómme fâva mæ moæ quand'êo mainâ
bèllo-o l'é o górfo con e lanpâre-e o mâ
méntre 'nta néutte a lùnn-a a sta a-agoeitâ

O mónte de Fàsce ti l'æ pe capéllo
e tùtto d'intórno o l'é 'n vèrde mantéllo

Górfo de Zêna ti luxénte a-o mâ
mi no me stànco mâi de stâte a-amiâ
bèllo-o l'é o górfo con e lanpâre-e o mâ
méntre 'nta néutte a lùnn-a a sta a-agoeitâ