I prinçìppi generâli ch'àn ispiròu a grafîa ofiçiâ són riportæ chi sótta segóndo l'órdine d'inportànsa.

1. Pe quànte l'é poscìbile bezéugna fà'n mòddo che ghe ségge 'na corispondénsa ùnica són - létie / létie - són. Quìndi:
   1. se doê paròlle se dîxan pæge se scrîvan pæge ascì;
   2. l'é ciù inportànte reprodûe o són ciufîto che rispetâ l'etimologîa;
   3. no se da a ménte a-o paradìgma têma - dezinénsa.
2. A grafîa ofiçiâ a dêv'êse o ciù poscìbile vixìn a-a grafîa tradiçionâle, quélla dêuviâ da-o Piàggio, da-o Cazàssa e da-i nòstri poêti.
3. De ògni paròlla se dêve savéi ezataménte cómme métte tùtti-i-acénti, sàrvo pöi lasciâ a-a bónn-a voentæ de persónn-e se métili pe 'n dàvei.
4. Tùtte e paròlle con tùtti-i-acénti dêvan poéise scrîve co-o computer sénsa tròppe dificoltæ.