Pe primma cösa oservémmo che co-a testêa italiànn-a són za disponìbili e vocâle acentæ: à, è, é, ì, ò, ù. Pe-e âtre écco cómme fâ.

Prìmmo mòddo: ALT + xxxx

O fonçiónn-a sénpre, ségge co-o Blòcco nöte (in ingléize notepad) ségge con Word. Se se dêuvia Word l'é necesâio che o tastierìn numérico (in ingléize numeric keypad) o ségge ativòu.

Pe ativâ o tastierìn numérico bezéugna sciacâ
o tàsto Bloc Num (in ingléize Num Lock) e fâ
açénde a luxétta da tastêa ch'a gh'à quéllo nómme.

Pe inserî 'na vocâle acentâ, co-ina màn se dêve tegnî sciacòu o tàstu ALT e con l'âtra màn se dêve digitâ, co-o tastierìn numérico, o còdice de 4 nùmeri ch'o corespónde a quélla vocâle segóndo o schéma riportòu chi sótta (in grascétto bleu gh'é e létie dêuviæ da-a grafîa ofiçiâ). Se voéi descaregâve un file pdf pe stanpâve sta tabèlla clicæ chi.

Segóndo mòddo: dêuviâ Word

O progràmma Word o l'öfre a posciblitæ de métte i acénti ò de scrîve di scìnboli speciâli inte 'n mòddo ràpido, sciacàndo 'na precîza conbinaçión de tàsti. Gh'é da notâ che, purtròppo, co-i âtri progràmmi de Office sto scistêma o no fonçiónn-a.

I tàsti da sciacâ són abastànsa intoitîvi: prezénpio pe-i acénti se sciàcca o tàsto CTRL insémme a quéllo de l'acénto (fæ atençión: pe fâ i doî pónti bezéugna sciacâ o tàsto MAIUSC ascì); pöi se mòlla tùtto e se sciàcca a vocâle, minóscola ò maióscola, in sciâ quæ voêmo métte l'acénto.

A lìsta complêta de tùtte e conbinaçioìn a se peu atrovâ in sciô scîto da Microsoft: Scelte rapide da tastiera per caratteri internazionali. Pe-a convençión da Microsoft, quànde se dêve sciacâ ciù tàsti insémme, i tàsti da sciacâ són separæ dò-u ségno ciù (+). Se pöi, fæta sta conbinaçión e levòu e dîe d'in sciâ tastêa, bezéugna sciacâ ancón in tàsto, quésto o l'é separòu da-a conbinaçiòn precedénte co-ina vìrgola (,). Tànto pe continoâ l'ezénpio de prìmma, a conbinaçión pe métte i doî pónti a vén scrîta coscì: CTRL + : (doî pónti), vocâle.

Chi vêgne riportòu sôlo quélle conbinaçioìn che se pêuan fâ co-a tastêa italiànn-a (in grascétto bleu gh'é e létie dêuviæ da-a grafîa ofiçiâ). Se voéi savéi dôve són i tàsti da sciacâ, clicæ chi. I tàsti da sciacâ insémme vàn sciacæ inte l'órdine mostròu; s'àn da molâ quànde són tùtti sciacæ.

Pe scrîve: À  È  Ì  Ò  Ù  :  vocâle acentâ minóscola, MAIUSC + F3
[pe dîla tùtta MAIUSC + F3 o fa pasâ in tèsto seleçionòu da minóscolo a maióscolo e vicevèrsa]

scrîve a vocâle acentâ minóscola à  è  ì  ò  ù

pöi sciacâ tùtti sti tàsti insémme

Pe scrîve: á  é  í  ó  ú  ý  -  Á  É  Í  Ó  Ú  Ý  :  CTRL + ' (apòstrofo), vocâle

sciacâ tùtti sti tàsti insémme

pöi molâli tùtti e sciacâ a  e  i  o  u  y A  E  I  O  U  Y

Pe scrîve: â  ê  î  ô  û  -    Ê  Π Ô  Û  :  CTRL + ^ (acénto circonflèsso), vocâle

sciacâ tùtti sti tàsti insémme

pöi molâli tùtti e sciacâ a  e  i  o  u A  E  I  O  U

Pe scrîve: ä  ë  ï  ö  ü  ÿ  -  Ä  Ë  Ï  Ö  Ü  Ÿ  :  CTRL + : (doî pónti), vocâle

sciacâ tùtti sti tàsti insémme

pöi molâli tùtti e sciacâ a  e  i  o  u  y A  E  I  O  U  Y

Pe scrîve: æ  -  Æ :  CTRL + & (ampersand),  a  opû  A

sciacâ tùtti sti tàsti insémme

pöi molâli tùtti e sciacâ a A

Pe scrîve: ç  -  Ç :  CTRL + , (vìrgola),  c  opû  C

sciacâ tùtti sti tàsti insémme

pöi molâli tùtti e sciacâ c C

Pe scrîve: œ  -  Œ :  CTRL + & (ampersand),  o  opû  O

sciacâ tùtti sti tàsti insémme

pöi molâli tùtti e sciacâ o O

Pe scrîve: ø  -  Ø :  CTRL + / (bâra),  o  opû  O

sciacâ tùtti sti tàsti insémme

pöi molâli tùtti e sciacâ o O

A són de gjâ in sce Internétte emmo trovòu un scîto (in ingléize: Reference for EVERY Character Key on a Mac) dôve se móstra cómme fâ pe métte i-acénti con Macintosh. Li gh'é di files pdf che móstran, pròpio cómme émmo fæto chi de d'âto, quæ tàsti sciacâ pe métte i-acénti. Ricordémmo quæ són i scìnboli di tàsti da dêuviâ

Écco i files da descaregâ:

• cómme se fa a métte i-acénti con Macintosh
• cómme se fa a métte quæ sæ sæ caràtere con Macintosh