Académia Ligùstica do Brénno

parlémmo a nòstra léngoa

Académia Ligùstica do Brénno
 
Intrâ > Stöia de l'Académia > Poexîa pe 'na... zìtta

Poexîa pe 'na... zìtta

[ Stöia de l'Académia ]

Académia ligùstica do Brénno

Fòscia l'Académia a fonçiónn-a lìcche làcche. Fòscia l'é scciupòu quàrche ratèlla. Ségge cómm'a ségge, o Sénno o l'à scrîto sta poexîa.
A grafîa a l'é quella òriginâle.

[ Quàrche nòtta ] [ Dìnni a teu ] [ Lêzi i coménti ]

Stöia de l'Académia

Màppa do scîto

Dôv'én i coménti

Covertìnn-a

 

Accademia ligustica do Brenno

di Pasquale Senno

San Patrizio, che disgrazia!
Se, o cangiâ, diventa vizio
se scriviâ: Dassio, Servissio,
Strassio, Ossio, Sodalissio!

Se sta tromba a piggia fiato,
comme primma concluxon,
ottegniemo o risultato
de creâ da confuxon!

Frasi strane se lezziâ:
« Posso attinze a-o vostro posso? »
« Gosso tutto perchè o gosso
contro vento o me fà suâ ».

O toscano o scrive « Casa »
poi però o se mangia a « C »
pronunçiando solo « 'asa »
e nisciun trêuva da dî.

In Sicilia a « T » a l'é « C »,
dixan « motta » e scrivan « morta »
s'eì coraggio andâeghe a dî
ch'a ve pâ 'na cosa storta.

Ognidovve, a tradizion
se rispetta; e comme mai
solo a Zena a « Commiscion »
pe 'na « Zetta » a l'é in ti guai?

Mi conseggio d'andâ adaxo
e çerca de no strafâ
e correzze, se l'é o caxo
ma, atrimenti, lasciâ stâ!

 
'Na ratèlla in Académia!

Dalla Civica Raccolta delle Stampe di Milano

Pigiòu da-o Boletìn da Conpàgna N. 3, Màzzo-Zùgno 1974

[ in çimma da pàgina ]

Quàrche nòtta

Da-o tèsto da poexîa s'acapìsce chò-u probêma o l'êa quéllo da "èsse" e da "zìtta". De fæti a Comisción a l'é inti goâi pròpio "pe 'na zétta". Peu dâse che a Comisción a l'àgge propòsto de no deuviâ a létia "z" pò-u són [s], preferìndo a scritûa "ss". Écco perché o Sénno o scrîve prìmma disgrazia e vizio co-a "z" e poi dassio, servissio, ecc. co-e "ss".

Gh'é pöi doî zêughi de paròlle. O prìmmo o l'é: « Posso attinze a-o vostro posso? » che o Sénno o l'öriéiva scrîto coscì: « Posso attinze a-o vostro pozzo? ». Pe quésto vèrso inta grafîa ofiçiâ no gh'é problêma perché o va scrîto coscì: « Pòsso atìnze a-o vòstro pósso? ».

Diferénte a l'é a questión pe l'âtro vèrso: « Gosso tutto perchè o gosso... ». Ànche chi o Sénno o gh'à nostalgîa da scritûa: « Gosso tutto perchè o gozzo... ». Inta grafîa ofiçiâ l'anbigoitæ a l'arèsta perché e dôe paròlle "gosso" se dîxan pæge e quìndi vàn scrîte pæge: « Gósso tùtto perché o gósso... ».

[ in çimma da pàgina ]

Dìnni a teu

Nomiâgio:
Stàggo a:
E-Mail:
O mæ scîto
Internet:
Coménto (no ciù de 1000 caràteri)

   

Nòtta: o coménto o saiâ publicòu, o ciù fîto poscìbile, dòppo ch'o l'é stæto controlòu.

[ in çimma da pàgina ]

àn dîto a seu
04/06/2014 - 10:59
chiara adezati, Zena
www.chiaraadezati.blogspot.com
son belle cose.
tante belle cose anche a voiatri e grazzzie.
gh'è quarchedun ch'o me peu di cose segge o gossa tutto?
bon vento, ch
01/09/2010 - 22:29
ALB, Zêna
In grafîa ofiçiâ, davànti a 'na vocâle, a s a se lêze sénpre [s] (o són sórdo da s cómme inta paròlla sàcco) e a z a se lêze sénpre [z] (o són dôçe da s: cómme inta paròlla rêuza).
01/09/2010 - 20:49
Pierin, Zena
me pä de capì che a 'z' a se leze 'esse dua' (caza = casa) mentre a 's' doggia a se leze 'esse doçe' (messìao = mesìao) O no?
16/06/2008 - 12:26
ALB, Zêna
Fæto.
Pi-â grafîa, se se veu marcâ a crâxi alôa "cómm'òu" o va scrîto "cómmò-u", dæto che a crâxi a se màrca co-o tratìn. Pe dîla tùtta, se se dâ a ménte a-o pónto 1 da prozodîa, a "emme" a vêgne prononçiâ séncia. In concluxón "cómm'òu" o l'aniéiva scrîto "comò-u"!.
Dîto quésto bezéugna aregordâ che l'Académia a "sconséggia" de marcâ a prozodîa, a mêno che no ghe ségge un bón motîvo pe fâlo (se no, no se riêsciêiva ciù a scrîve mànco 'na paròlla!).
16/06/2008 - 11:12
Piero de Bösanæo, Bösanæo
Agiùtti pe scrîve chi: âæÆêçîöóôûª
Amîxi,
éi scrîto:
Ségge cómme ségge, o Sénno o l'à scrîto sta poexîa.
Mi scriviéiva cómm'òu diéiva:
Ségge cómm'a ségge... (Ségge cómme a ségge...).
Scignorîa.
Piero de Bösanæo
A l’è gradîa a coreçión de paròlle uzæ e da forma uzâ. Gràçie.

[ in çimma da pàgina ]