Académia Ligùstica do Brénno

parlémmo a nòstra léngoa

Académia Ligùstica do Brénno
 
Intrâ > Mediatêca > Giuseppe Marzari > O tàngo de sèrve

O tàngo de sèrve

[ Giuseppe Marzari ]

(Luigi Anselmi, Nafta)

 
 

[ Séntila reçitâ da-o Giöxe Marzâri ] [ Tèsto e acòrdi in pdf ] [ Dìnni a teu ]

Mediatêca

Màppa do scîto

Dôv'én i coménti

Covertìnn-a

 

Lazù 'n sciô Pónte Pìlla
Ciàssa Colónbo e Pontexéllo
a Tögna co-â Camìlla
són li che aspêtan un nazéllo
o l'é vestîo de nêuo
che bèllo vestî bón
con çìnque gàtti aprêuo
o l'à-acatòu ino Prión

Quarànta sèrve vàn la tùtte in sciâ ciamâta
tànte marmòtte pàn e fàcce de tomâta
a l'é röba co-o tócco che bèl'ödô de çiòula
chi l'é inciastrâ de mócco ò gràsso de casòula

E sèrve se divìdan in tànte categorîe.

Categorîa tonbarèlli. Saiéivan quélle che co-ê stànghe càregan ciù a l'âia, con doê rêue davànti gròsse e a fàccia quadrâta ch'a pà'n fanâ co-o tòcco de candéia asmòrta drénto.

Categorîa casòule invernixæ e pugnàtte. Saiéivan quélle con quélle fàcce che pàn patêche co-a pitûa, o nâzo pìn de barbêra e-oêge rósse.

Categorîa "guardami con passione". Són quélle co-o bitîro 'n tésta, i éuggi co-â popìlla pe travèrso cómme i gatìn e pàrlan italiàn a-a doménega sôlo.

Categorîa bàlli rùsci. Són quélle che sciòrtan co-â tésta infià'nto piâno, i éuggi fìssi in sciâ manéggia; pàrlan de tànghi, raxón-an in ténpo de vàlser, vàn a câza inbræghe, bàlan in cuxìnn-a e çèrcan e prûxe a ténpo de shimmy.

Categorîa fonògrafi. Són quélle che se métan in Pontexéllo da-a vixìn a-a vaschétta tànto che no ghe sécche a gôa, comìnsan a parlâ a doê-ôe e finìscian a set'ôe, travàgian a còtimo, màngian dìschi "La Voce del Padrone" e bròddo de pontétte da fonògrafi.

Categorîa elegànti. Son quélle co-î goànti scìnn-a da-e gòmie pe no fâ védde che l'àn brùtte, én vestîe a colôri che pàn i vapôri in ténpo de goæra, nàvegan co-o mâ càrmo, bordézan sótt'a-i pòrtici, lêzan i manifèsti di cinematògrafi e çèrcan sénpre quarchedùn che ghe pâghe o cîne.

A l'Acasêua te vàn côran che pàn carétte
de carcagnæ ve dàn e sgoâran e câsétte
én come-e bóghe a sciàmmi fæte che pàn scöpélli
s'anæ a pescâ co-î làmmi ve pòrtan vîa i natélli.

[ in çimma da pàgina ]

Dìnni a teu

Nomiâgio:
Stàggo a:
E-Mail:
O mæ scîto
Internet:
Coménto (no ciù de 1000 caràteri)

   

Nòtta: o coménto o saiâ publicòu, o ciù fîto poscìbile, dòppo ch'o l'é stæto controlòu.

[ in çimma da pàgina ]